аповесць словамі аб тым, што больш браты ніколі не спрачаліся, але мне не хочацца хлусіць. Яны сварыліся і біліся роўна столькі, колькі сварацца і б'юцца ўсе хлапчукі іх гадоў, і перамагаў звычайна Корын. Калі ж яны выраслі, Кор лепш валодаў мячом, але Корын біўся на кулаках лепш за ўсіх у абодвух каралеўствах. Таму яго і празвалі Грамавым Кулаком, і таму ён перамог страшнага мядзведзя, які быў гаваркім, але збег да нямых, а гэта вельмі дрэнна. Корын пайшоў на яго адзін, зімой, і перамог на трыццаць трэцім раундзе, пасля чаго мядзведзь выправіўся.

Аравіта таксама часта сварылася з Корам (баюся — часам і біліся), але заўсёды мірылася. Здаецца, яны так прызвычаіліся сварыцца і зноў мірыцца, што праз гады, калі яны сталі дарослымі, яны пажаніліся — каб і далей было зручна гэта рабіць. Пасля смерці старога караля яны доўга і мірна кіравалі Арландыяй, і Рам Вялікі — іх сын. Ігага і Уіні шчасліва жылі ў Нарніі і пражылі вельмі доўга, але не пажаніліся, кожны стварыў уласную сям'ю, і абодва яны амаль кожны месяц пераходзілі рыссю перавал, каб наведаць у Анвардзе сваіх сяброў.